Y Newyddion Diweddaraf

Cynhwysodd y Cambrian News erthygl yn eu rhifyn o Orffenaf 12fed a amlygodd yr ysgolion yng Ngheredigion a gymerodd ran yn y “Picnic Mawr”. Dangoswyd lluniau o ambell un o’r ysgolion, a soniwyd am werthu byrbrydau Masnach Deg yn siopau tocyn yr ysgolion.

Dywedodd Mark Richardson, swyddog datblygu Masnach Deg Cymru, “Digwyddodd Picnic Mawr Masnach Deg mewn mwy na 60 o leoliadau trwy Gymru benbaladr. Gosodwyd record y byd am Bicnic Masnach Deg yn Tenerife ym 1999, pryd cymerwyd rhan gan 8000 o bobl. ‘Rydym yn archwilio yn awr i weld a ydy’r digwyddiadau yng Nghymru wedi torri’r record.” Mae’n ymddangos yn debygol y cymerodd cymaint â 10,000 o bobl ran yn y digwyddiad.

 

Gwnaeth Cynllun Masnach Deg Ysgolion Gogledd Ceredigion gyfraniad mawr, gydag ysgolion Comins Coch, Craig yr Wylfa, Llangynfelyn, Llanilar, Penglais, Rhydypennau a Thalybont yn cymryd rhan. Cynhaliodd yr holl ysgolion eu picnics trwy’r dydd Fehefin 20ain: bu rhai yn yr heulwen ond gorfodwyd eraill i fynd dan do oherwydd gawodydd.

Gwahoddodd Ysgol Llangynfelyn Grŵp Meithrin Taliesin i ymuno â hwy a bu ganddynt tua 60 o blant yn eu picnic.Aeth Rhian Nelmes, athrawes ddolen Ysgolion Masnach Deg i Morrison’s, Aberystwyth, ar ôl yr ysgol i brynu’r bwyd: bananas, sudd ffrwythau, geobars a siocled i wneud cacennau ‘rice krispie’. Siaradodd â rheolwr yr archfarchnad am yr hyn yr oeddent yn ei wneud – ac fe roes e’r bwyd iddynt yn ddi-dal!

                             

Dywedodd Emlyn Jones, Ysgol Craig yr Wylfa, “Fe gawson ni amser da iawn mas ar y gwair. ‘Roedd yn syfrdanol faint o stwff y dwnwyd i mewn … bu’r plant yn wirioneddol brysur wrth eu siopa!! ‘Roedd y tywydd yn wych.”

Mwynhaodd disgyblion Ysgol Rhydypennau ddwy awr o dywydd ardderchog wrth bicnicio ar danteithion masnach deg yr oeddent wedi dod â nhw o gartref. Meddyliodd Helen Jones mai llwyddiant mawr y picnic oedd gwneud y disgyblion a’u rhieni yn fwy ymwybodol o’r ystod o gynnyrch Masnach Deg sydd ar gael wrth iddynt fynd i siopa am fyrbrydau Masnach Deg i ddod â hwy i’r picnic.

Cynhaliodd Ysgol Penglais eu ‘picnic’ nhw o dan do oherwydd y tywydd annibynadwy. Blasodd tua 40 o ddisgyblion ffrwythau, suddion a barrau grawnog iachus, yn ogystal â siocled a chacennau. Lledaenon nhw wybodaeth am Fasnach Deg a chynnal cwis ar y pwnc.

Trefnodd Grŵp Masnach Deg Aberystwyth y picnic Masnach Deg a gynhaliwyd yn Ysgol Llanilar. Daeth Dr Jen Horgan â bananas a sudd oren. Nid oedd y tywydd yn ddigon da iddynt fynd allan i gynnal y picnic, ond dywedodd cyd-lynydd Lowri Roberts, “Roedd hi ‘run mor flasus yn y ‘stafell ddosbarth!”.

Mwynhaodd Ysgol Talybont brynhawn o weithgareddau hwyliog yn ystod eu picnic Masnach Deg, a chafodd plant Comins Coch flas ar ystod o fyrbrydau iachus yn eu picnic hwy.

Mwynhaodd Ysgol Talybont bicnic Masnach Deg, lle cafodd cryn dipyn o siocled (a ffrwythau!) eu bwyta, a phrynhawn o weithgareddau miri a sbri. Chwaraeon hwy 'pasio'r oren masnach deg' a 'pa mor bell alli di daflu'r pînafal masnach deg?

 

 

 

 

 

Llongyfarchiadau i Ysgol Talybont. Fe dderbyniwch £50 i’w defnyddio ar gyfer unrhywbeth cysylltiedig â masnach deg, ag ymweliad gan ffotograffydd y Cambrian News. Cafwyd llawer o logos penigamp ac roedd y pleidleisio’n agos iawn, ond yn anffodus dim ond un enillydd a all fod! Mae’r ail le yn mynd i Ysgol Llanilar ac mae’r  trydydd le yn mynd i Ysgol Rydypennau. Da iawn chi i’r holl ddisgyblion a gynrychiolodd eu hysgol yn y gystadleuaeth.

Mae gennyf rychwant o farrau grawnfwyd, ffrwythau wedi’u sychu a suddion i’w blasu er mwyn ystyried eu cynnwys yn stoc eich siop docyn. Gallaf hefyd drin a thrafod eu cost a phle y gallwch eu prynu. 

Ymweliad Dewisol â Chyngor y Myfyrwyr y Tymor Hwn  

Ymwelais yn barod â rhai ysgolion ac ‘rwyf wedi trefnu i ymweld ag eraill ynglyn â r byrbrydau iachus a’r Blasu Te a Choffi. Os yr ydych am i mi ymweld â’ch cyngor myfyrwyr chi, cysylltwch â mi os gwelwch yn dda! Wrth reswm byddaf yn hapus i ddod â’r te a’r choffi i’ch ysgol i chi drefnu’r Blasu. 

Mae ystod o de a choffi ar gael oddi wrthyf innau am yr holl ysgolion cyfrannogol i’r staff gymryd rhan mewn blasu ’dall’ ar de a choffi er mwyn eu symbylu i newid i de a choffi masnach deg yn yr ysgol. Bydd y cynghorau ysgol yn gyfrifol am ddatblygu taflen sgorio a sylwadau fel y gall athrawon restru eu dewisiadau te a choffi a dweud a fyddent yn fodlon newid i’r te neu’r coffi penodol y maent wedi’i flasu. (Os yr ydych yn meddwl eich bod wedi datblygu taflen sgorio a sylwadau dda byddwch cystal â’i hanfon ataf trwy e-bost i’w rhoi ar y wefan a’i rhannu gydag ysgolion eraill.) Ar ôl i’ch ysgol orffen blasu, byddaf yn datgelu’r mathau o the a choffi a’u prisiau i gyd i chi. Rhowch wybod i mi trwy e-bost, os gwelwch yn dda, pan fyddwch yn barod am y manylion hyn!